Новости библиотеки

"УМСУЛҔАН КЭРЭ ЭЙГЭТЭ" КИНИГЭ – АЛЬБОМ СҮРЭХТЭННЭ

Түөлбэҕэ биир ураты толкуйдаах, мындыр өйдөөх, талба талааннаах киһи баар буоллаҕана бэйэтин тула дьонун тардан, билиитин бэрсэн, сатабылын үллэстэн бардаҕына бу түөлбэ сайдар суолу тутар. Мэҥэ Хаҥалас улууһун Хаптаҕай нэһилиэгэр олорон ааспыт СР культуратын үтүөлээх үлэһитэ, РСФСР үөрэҕириитин туйгуна, Россия художниктарын Сойууһун чилиэнэ, СР норуотун маастара, Мэҥэ-Хаҥалас улууһун, Хаптаҕай нэһилиэгин Бочуоттаах Олохтооҕо, Анна Прокопьевна айымньылааах үлэтэ, саха төрүт ииһигэр-ууһугар киллэрбит сүҥкэн кылаата, бар дьонун түмпүт, билиитин-сатабылын биэрбит, үөрэппит үтүөтэ, олоҕун тухары тутан кэлбит “идеята” күн бүгүҥҥэ дылы  үлэлиир, саҥа саҕахтары арыйар, салҕыы сайдар, кэҥиир.
Тохсунньу 23 күнүгэр  Хаптаҕай нэһилиэгин талба талааннаах, уран тарбахтаах Саха Далбар Хотуттара “Умсулҕан кэрэ эйгэтэ” кинигэ-альбом сүрэхтээн саха төрүт ииһин, оһуорун-мандарын дьоро түһүлгэтин тэрийдилэр. Саха төрүт ииһинэн дьарыгырар, үөрэтэр, тарҕатар “Умсулҕан” айар талааннаахтар түмсүүлэрэ ааспыт 2024 сылга айымньылаах үлэлэрин 10 сылын бэлиэтээбиттэрэ, түмсүү кыттыылаахтара үгүстэрэ ааттаах-суоллаах иистэнньэҥ Анна Прокопьевна Скрябина үөрэнээччилэрэ, кини хаалларбыт үөрэҕин-билиитин тутан хаалбыт дьон буолаллар, бу сыллар тухары түмсүүнү СР үөрэҕитиитин туйгуна, СР үөрэхтээһини бочуоттаах ветерана, Мэҥэ Хаҥалас улууһун сатабыллаах маастара, “Дархан Уус” анал бэлиэ хаһаайына, “САП” Анна Прокопьевна Скрябина аатынан анал бэлиэ хаһаайына Евдокия Ивановна Федорова тэрийэн, тутан кэллэ уонна түмсүүтүн Людмила Николаевна Назароваҕа салҕыы үлэлэтэригэр, сайыннарарыгар туттарда. “Умсулҕан” түмсүү иистэнньэҥ Далбар Хотуттара коллективнай үлэлэргэ бэйэлэрин күүстэрин-сатабылларын ууран элбэх улахан үлэлэри: “Уйгу чорооно” 2014с, “Сомоҕолоһуу” 2015 с, “Мэҥэ Хаҥалас улууһа”, “Сайын” 2016с, “Умнуллубат оһуордар” 2017с, “Ат симэҕин комплега” 2018с, “Кустук араас өҥүнэн”, “Саха иһиттэрэ, оһуордара” 2019с, “Айар үлэ сыла”, “Кыайыы былааҕа” 2020с, “Саха маанылаах иһиттэрэ” 2021с, “СР -1922с.-100с-95с”, “Кылааннаах түүлээхткэрэ көстүүтэ” 2022 с, “Анна Барашкова ырыаларынан дьүһүйүү”, “Бото” 2023 с, “Хаптаҕай сайдыы суолунан”, “Сандалы остуол маанылаах киэргэлэ” 2024 с., маны таһынан хас биирдии бэйэлэрэ иискэ-ууска үлэлэрин дьон көрүүтүгэр таһаардылар, араас таһымнаах быыстапкаларга кытыннылар.
“Умсулҕан кэрэ эйгэтэ” кинигэ сүрэхтэниитигэр Мэҥэ Хаҥалас улууһун культураҕа уонна духуобунай сайдыыга салалтатын салайааччыта Анна Исакова эҕэрдэлээн туран “Умсулҕан” салайааччыларыгар Евдокия Федороваҕа, Людмила Назароваҕа эҕэрдэ суруктарын туттарда. Гавриил Колесов аатынан Олоҥхо Дьиэтин салайааччыта Евдокия Иванова “Умсулҕаннары” эҕэрдэлээн туран Мэҥэ Хаҥалас улууһун баһылыга Дмитрий Тихонов махтал суруктарын кинигэр редакторыгар Розалия захароваҕа, верстальщик Елена Петуховаҕа, кинигэ тахсыытыгар сүүрбүт – көппүт Евдокия Федороваҕа, Людмила Назароваҕа, Альбина Баишеваҕа туттартаата, түмсүүнү тэрийбит, салайбыт Евдокия Федороваҕа “Мэҥэ Хаҥалас улууһун социальнай-экономическай сайдыытыгар кылаатын иһин” бэлиэни ону кытары Гавриил Колесов аатынан Олоҥхо Дьиэтин “Төрүт үгэһи үксэтээччи” түөскэ анньыллар бэлиэлэри Евдокия Федороваҕа, Людмила Назароваҕа кэтэрдитэлээтэ. Бу дьоро киэһэҕэ элбэх эҕэрдэ тыл этилиннэ, үгүс үтүө тыл умсулҕаннарга ананна, ылбаҕай ырыа ылланна, хомоҕой хоһоон ааҕылынна, саха төрүт ииһин-ууһун кэрэ эйгэтэ олохтонно. Биһиги Олоҥхо дьиэтин коллектива өрүүтүн бииргэ алтыһан үлэлиир "Умсулҕан" түмсүүбүт бука бары Далбар Хотуттарыгар хас биирдиилэригэр чэгиэн доруобуйаны, тус-олохторугар, дьиэ-кэргэттэригэр уйгулаах олоҕу, айымньылаах, таһаарыылаах үлэни баҕарабыт!
  
Айта Васильева Гавриил Колесов аатынан Олоҥхо Дьиэтин уус-уран салайааччыта.

Нэһилиэкпит олохтоох автордарын кинигэлэрэ

МАНЫ БАТТАА

Олоҥо тылынан оҕо саҥатын сайыннарыы.

МАНЫ БАТТАА

Кэлиҥ, сылдьыҥ, ааҕыҥ
МАНЫ БАТТАА

«УМСУЛҔАН» иис түмсүүтэ  тэриллибитэ 10 сылын бэлиэтиир «Кустук өҥнөөх кырадаһын тойуга» үөрүүлээх чаас.

МАНЫ БАТТАА

IX Всероссийский тест на знание Конституции РФ 

http://гражданин.дети/test_konst/

"История Конституции - история страны» виртуальная выставка, посвященная Дню Конституции РФ

http://old.nlrs.ru/exhibitions/konstitusia2024/

РСФСР үтүөлээх юриһа, норуодунай судьуйа МИХАИЛ МИХАЙЛОВИЧ СОТНИКОВ төрөөбүтэ 100 сылыгар анаммыт  
"ЫТЫК КИҺИ ОЛОҔУН СЭҺЭНЭ" МЕДИА-УРУОГУ бу сигэнэн киирэн көрүҥ: 

http://biblmk.ru/SotnikovMM/

Кеша Алексеев аатынан Хаптаҕай орто оскуолатыгар төрөппүт сугулааныгар анаммыт "Оҕону иитии-ийэ,аҕа ытык иэһэ" кинигэ быыстапката турда.
ССЫЛКАНЫ БАТТААН КИИРЭН КӨРҮН

https://youtu.be/FZ4gV-1Rbs8?si=BGaHVT9VgRHoDQzq

Олоҥхо дьыктаана
https://rutube.ru/video/32e3bceef543957c8c859b9b23c695ea/

В.В.Павлов - Макар Мыла төрөөбүтэ 80 сылыгар аналлаах тэрээһин

https://youtu.be/kluI-RZ8mHs?si=YUT_9jLnj2yA5p-L

П.Г.Романов – Мыланыыскай “Кыыс Ньургустай Куо” олоҥхотун С.И.Баранова толоруута.

https://youtu.be/mikq8frETuw?si=P6Wn81yuFlV7w2Uc

Икки нэһилиэк – Хаптаҕай (Мэҥэ Хаҥалас), Кыйы (Таатта) Тыараһаларын көрсүһүүлэрэ

https://youtu.be/bELVy9c6RrQ?si=uYnzv9Lve6hf91Qb

Сэтинньи 13 күнүгэр Саха сирин бастакы бэрэсидьиэнэ Михаил Ефимович Николаев төрөөбүтэ 87 сыла.

ССЫЛКА БАТТААН КИИРЭН КӨРҮН
https://rutube.ru/video/b1629a901159413b1efd3a72230d4b74/

"Сандаара" вокальнай ансаамбыл

ССЫЛКАНЫ БАТТААН КИИРЭН КӨРҮН
https://rutube.ru/video/b40ab20c3f6f469f21f03a4db915578c/

«Книжная выставка. II Республиканский антифашистский форум.»  

ССЫЛКАНЫ БАТТААН КИИРЭН КӨРҮН
https://rutube.ru/video/82df63c5a7d136045b9c3c962518d8f2/

Хаптагайская сельская библиотека вместе с учащимися 6-11 классов приняли участие в проведении единого медиа-урока «Мир Един» в рамках сетевого проекта «Читаем все» к Международному месячнику «Белая трость». Цель мероприятия: напоминание обществу о внимании к проблемам людей с инвалидностью по зрению, понимании их нужд, солидарности с ними. Всего приняли участие 75 учащихся.

Балаҕан ыйын 30 күнүгэр, нэһилиэкпитигэр Государственность күнүнэн, түөлбэлэр икки ардыларыгар брейн - ринг өй оонньуута буолан ааста.  Дойдубутугар Дьиэ кэргэн, республикабытыгар Оҕо саас, улууспутугар Тыа хаһаайыстыбатын сылларыгар туһуланна. Уопсайа үс хамаанда кыттыыны ыллылар. 
Бастакы миэстэ - "СИТИМ" түөлбэ.
Иккис миэстэ - "САҺАРҔА" түөлбэ.
Үһүс миэстэ - "ТИИТТЭЭХ", "КЭСКИЛ" түөлбэлэр холбоһуктаах хамаандата
Бары кыттааччыларга кэлэн  көхтөөх кыттыыны ылбыккытыгар махтанабыт.
Дьиэ кэргэнинэн кинигэ эйгэтигэр уһуйуллуҥ, библиотекаҕа мэлдьи сылдьыҥ.

  Бу ссылканы баттаан киирэн көрүҥ


https://youtu.be/rUXvU0rrWq4?si=m8-sFyl2ex6642GJ