Ураты быыстапка

Ураты быыстапка
Кеша Алексеев аатынан Хаптаҕай орто оскуолата уонна олохтоох библиотека үлэһиттэрин көҕүлээһиннэринэн, оскуолабыт выпускнига Аммосов Айсен Артурович аҕатыгар анаабыт «Айар эйгэ абылаҥа» диэн быыстапка туруорулунна.
Айсен аҕатын, айылҕаттан айдарыылаах мас ууһун Артур Аммосов туйаҕын хатаран кыра оҕо эрдэҕиттэн тулалыыр кэрэни таба көрөр, илиинэн оҥорор дьоҕурдаах буола улааппыта.
Кини хас биирдии үлэтэ кумааҕыттан, мастан, баататтан, тимиртэн да буоллар олус дириҥ суолталаахтар, мындыр толкуйдаахтара, ураты тутуулаахтара киһини сөхтөрөр.
Айсен улууспутугар сылын аайы ыытыллар Культура уонна спорт эстафетатын уус-уран оҥоһуктарын быыстапкатыгар сонун, ураты, чаҕылхай үлэлэринэн кыттан кэллэ. 2024 с. Хаптаҕай нэһилиэгин айар талааннаах дьонугар анаммыт "Народный умелец Хаптагайского наслега" бэлиэнэн наҕараадаламмыта.
Айсен быыстапкатын Саха көрдөрөр-иһитиннэрэр ханаала (НВК) чуолаан "Саха саха сатаабатаҕа суох" биэрии кэлэн уһулла. Биэрии тахсарын күүтэбит.  

https://rutube.ru/video/05c6700a1d1eb640d23978aade775aa3/