"Сила книги"
http://rutube.ru/video/9e15826431d898ed7fdc8cedf1b734f7/
«Сила книги» өрөспүүбүлүкэтээҕи акцияҕа кыттыстыбыт
«Мэҥэ Хаҥаластааҕы кииннэммит библиотека ситимэ» Муниципальнай казеннай тэрилтэ—Хаптаҕайдааҕы филиалыгар ыам ыйын 27 күнүгэр регионнар икки ардыларынааҕы “Сила книги” өрөспүүбүлүкэтээҕи сетевой акциянан тэрээһин ыытылынна. Быйылгы тэрээһин республикабытыгар Ийэ дойдуну көмүскээччи уонна Улуу Кыайыы 80 сылларыгар ананна.
Тэрээһиҥҥэ культура үлэһиттэрэ, оскуола үөрэнээччилэрэ, төрөппүттэр кыттыыны ыллылар. Ааҕааччынан Гражданскай сэрии Дьоруойа Кеша Алексеев аатынан Хаптаҕай орто оскуолатын төрүт культураҕа учуутала, "За вклад в развитие образования улуса", "За вклад в развитии печати Мегино-Кангаласского района" бэлиэлэр, "За доблестный труд" Федерации профсоюзов Республики Саха (Якутия) мэтээл хаҺаайына Анастасия Андреевна Колесова буолла.
Анастасия Андреевна Василий Иннокеннтьевич Гоголев – Уйулҕан “Туоһахта уонна Лэкиэс” сэһэниттэн оҕолорго ааҕан иһитиннэрдэ.
Сэһэн сүрүн геройа Лэкиэс, саха сылгытын Туоһахтаны кытта бииргэ алтыһан истиҥник доҕордоһон, Аҕа дойдуну көмүскүүр Улуу сэриигэ баран, кырыктаах кыргыһыыга буһан-хатан уһаарыллара, саха чулуу, хорсун-хоодуот буойуннара, олохторун толук ууран туран, Москубаны көмүскээн, өстөөҕү үлтүрүтэн киэр үүрэллэрэ кэрэхсэбиллээхтик ойууланар. Ону сэргэ Дьөһөгөй оҕото Туоһахта эмиэ сэриигэ утаарыллан, кыргыһыыга хорсуннук кыттара, тулуура-дьулуура, өйө, төрөөбүт дойдутугар муҥура суох таптала, бэриниилээҕэ уус-ураннык сэһэргэнэр.
Лэкиэс өлөр өлүү дэгиэ тыҥыраҕыттан хайдах мүччү көтөрүн, онно кини Туоһахтата олоҕор быһаарар тыын суолталаммытын сэһэнтэн биллибит.
Оҕолор чуумпуран олорон олус сэргээн иһиттилэр. Сэһэн ис хоһоонун ырыттылар, боппуруостарга эппиэттээтилэр, ыйытыылары биэрдилэр.
Хас биирдиибит кыайыы туһугар олохторун толук уурбут бэтэрээннэргэ, кыайыыны уһансыбыт ытык дьоммутугар сүгүрүйэр ытык иэспит. Кинилэр сырдык ааттарынан киэн туттабыт, холобур оҥостобут.
“Сила книги” акцияҕа кыттыбыт оскуолабыт үөрэнээччилэригэр, нэһилиэкпит олохтоохторугар махтанан туран сертификаттары туттардыбыт. Анастасия Андреевна оҕолорго кинигэ закладкаларын бэлэх уунна. Тэрээһин бэрт сэргэхтик ааста.
«Сила книги» өрөспүүбүлүкэтээҕи акцияҕа кыттыстыбыт
«Мэҥэ Хаҥаластааҕы кииннэммит библиотека ситимэ» Муниципальнай казеннай тэрилтэ—Хаптаҕайдааҕы филиалыгар ыам ыйын 27 күнүгэр регионнар икки ардыларынааҕы “Сила книги” өрөспүүбүлүкэтээҕи сетевой акциянан тэрээһин ыытылынна. Быйылгы тэрээһин республикабытыгар Ийэ дойдуну көмүскээччи уонна Улуу Кыайыы 80 сылларыгар ананна.
Тэрээһиҥҥэ культура үлэһиттэрэ, оскуола үөрэнээччилэрэ, төрөппүттэр кыттыыны ыллылар. Ааҕааччынан Гражданскай сэрии Дьоруойа Кеша Алексеев аатынан Хаптаҕай орто оскуолатын төрүт культураҕа учуутала, "За вклад в развитие образования улуса", "За вклад в развитии печати Мегино-Кангаласского района" бэлиэлэр, "За доблестный труд" Федерации профсоюзов Республики Саха (Якутия) мэтээл хаҺаайына Анастасия Андреевна Колесова буолла.
Анастасия Андреевна Василий Иннокеннтьевич Гоголев – Уйулҕан “Туоһахта уонна Лэкиэс” сэһэниттэн оҕолорго ааҕан иһитиннэрдэ.
Сэһэн сүрүн геройа Лэкиэс, саха сылгытын Туоһахтаны кытта бииргэ алтыһан истиҥник доҕордоһон, Аҕа дойдуну көмүскүүр Улуу сэриигэ баран, кырыктаах кыргыһыыга буһан-хатан уһаарыллара, саха чулуу, хорсун-хоодуот буойуннара, олохторун толук ууран туран, Москубаны көмүскээн, өстөөҕү үлтүрүтэн киэр үүрэллэрэ кэрэхсэбиллээхтик ойууланар. Ону сэргэ Дьөһөгөй оҕото Туоһахта эмиэ сэриигэ утаарыллан, кыргыһыыга хорсуннук кыттара, тулуура-дьулуура, өйө, төрөөбүт дойдутугар муҥура суох таптала, бэриниилээҕэ уус-ураннык сэһэргэнэр.
Лэкиэс өлөр өлүү дэгиэ тыҥыраҕыттан хайдах мүччү көтөрүн, онно кини Туоһахтата олоҕор быһаарар тыын суолталаммытын сэһэнтэн биллибит.
Оҕолор чуумпуран олорон олус сэргээн иһиттилэр. Сэһэн ис хоһоонун ырыттылар, боппуруостарга эппиэттээтилэр, ыйытыылары биэрдилэр.
Хас биирдиибит кыайыы туһугар олохторун толук уурбут бэтэрээннэргэ, кыайыыны уһансыбыт ытык дьоммутугар сүгүрүйэр ытык иэспит. Кинилэр сырдык ааттарынан киэн туттабыт, холобур оҥостобут.
“Сила книги” акцияҕа кыттыбыт оскуолабыт үөрэнээччилэригэр, нэһилиэкпит олохтоохторугар махтанан туран сертификаттары туттардыбыт. Анастасия Андреевна оҕолорго кинигэ закладкаларын бэлэх уунна. Тэрээһин бэрт сэргэхтик ааста.
27.05.2025